HONG CIAH KIK LEL DING HI

Galhiam - 297
Key : D

Verse 1

Jerusalem khuapi sungah,

To Zeisu a lutni-in ah,

Kisin nai lo lano tungah,

Tuangin minthanna ngah,

A neipa in kham zo tuan lo,

Topa in a deih nungsang,

Paipihta e, Jerusalemlam ah.

Chorus

Topa in a deih a leh,

Hong piaksa thuphate khempeuh,

Paipih lel hen, a minthan nading ahih leh,

I neihsa bangmah om kei,

A sumkem dingte bek i hi,

Paipih hen aw, hong ciah kik lel ding hi.

Verse 2

Khazih sung a om u le nau,

Hih thupha hi na ngah ngei maw,

Satan in a paipihte pen,

hong ciah kik ngei nawn lo ding,

Ahih hang vanglian Topa in,

A paipih sum le paaite pen,

Hong ciah kik hi, a zah tampi tak tawh.

Verse 3

I pianna khua le gam a om,

Thu-ummi khangthak lia le taang,

Tu ni-om nang na man nai hiam,

Pang ciatve ni Topa ading,

Piakkhiatna le thungetna tawh,

I sep kul hi, Topa in hong deih hi.